Uko wahagera

Nyuma y'Amezi Atanu Amatora Abaye, Kongo Yabonye Guverinema Nshya


Judith Suminwa Tuluka, ministiri w'intebe wa Kongo
Judith Suminwa Tuluka, ministiri w'intebe wa Kongo

Repubulika ya Demokarasi ya Kongo yaraye itaganje guverinema nshya igizwe n’abategetsi 54 nyuma y’amezi atanu amatora y’umukuru w’igihugu abaye.

Ni guverinema yatangajwe na ministiri w'intebe Judith Suminwa Tuluka.

Abatuye mu burasirazuba bw'igihugu barasaba iyi guverinema nshya yagiyeho, kwihutira kuranginza ibibazo by’umutekano muke byugarije intara za Kivu na Ituri.

Iyi guverinema nshya y’abaministri 54 iyobowe na Madamu Suminwa igizwe kandi na ba ministiri b'intebe bungirije batandatu.

Mu mpinduka zigaragara muri iyi guverinema harimo amasura atagarutse arimo Christophe Lutundula wari ministiri w’umubanyi n’amahanga, na Peter Kazadi wari uw’umutekano mu gihugu.

Ku rundi ruhande, Jean Pierre Mbemba wari ministiri w’ingabo yagizwe uw’ubwikorezi n’itumanaho. Ba minisitri Patrick Muyaya, Aime Boji, Alexis Gisaro, Gilbert Kabanda, Jean Pierre Lihau bagumye muri za minisiteri bari basanzwe bayoboye.

Muri iyi guverinema nshya kandi Shabani Jacqemain, wari ushinzwe ibikorwa byo kwamamaza Félix Tshisekedi mu matora ya 2023 yagizwe ministiri w'ubutegetsi bw'igihugu n’umutekano mu gihugu.

please wait

No media source currently available

0:00 0:04:36 0:00

Forum

XS
SM
MD
LG