Abarwanyi ba al Shabab, barekuye ihoteli bari bafashe mu murwa mukuru wa Somaliya, Mogadishu, uyu munsi kuwa gatanu, nyuma y’amasaha 13.
Ibiro ntaramakuru by’Abafaransa, AFP, biravuga ko abantu batatu bishwe, kandi 27 bakomerekeye muri icyo gitero. Polisi iravuga ko ibintu byasubiye mu buryo.
Abarwanyi bafite intwaro, ahagana mu masaa tatu z’ijoro kw’isaha yo mu karere, biroshye muri hoteli SYL i Mogadishu, na mbere yagiye yibasirwa n’ibitero bitandukanye. Al-Shabab, mw’itangazo yavuze ko ari yo yari inyuma y’icyo gitero.
Ababonye ibyabaye, bavuze ko abofisiye mu gipolisi, bageze kw’ihoteri mu minota mike cyane, igitero kikiba, bahita basakirana bikomeye.
Iyi hoteli, The SYL, yibasiwe incuro nyinshi na Al-Shabab mu bihe byahise. Ubuheruka byari mu mwaka wa 2019.
Abo barwanyi batangije urugamba kuri guverinema y’igihugu cyose cya Somaliya, ishyigikiwe n’amahanga, hashize imyaka irenga 16, kandi akenshi bibasiye amahoteli, akunze kwakira abayobozi bo ku rwego rwo hejuru ba Somaliya n’abayobozi b’abanyamahanga. (AFP)
Forum