Ubucamanza bw'Ubutaliyani bwakatiye umugabo ukomoka muri Turkiya igifungo cy'imyaka 20 kubera uruhare rwe mu irohama ry'ubwato bw'abimukira.
Impanuka yabaye ku itariki ya 26 y’ukwa kabiri 2023 ku nkengero z’Ubutaliyani. Ubwato bwari buvuye muri Turikiya, butwaye mu buryo bwa magendu abimukira bagera kw’180. Bakomokaga muri Afuganistani, Pakistani, Irani na Siriya. 94 muri bo barapfuye icyo gihe.
Gun Ufuk, umunyaturukiya w’imyaka 29 y’amavuko, ni we wari umukuru mu bari babutwaye. Yari kumwe n’abandi batatu. Umwe muri bo nawe yararohamye. Abandi babiri nabo batawe muri yombi. Nabo barimo baraburanishwa.
Urukiko rwavuze ko Ufuk ari we wateje impanuka, rumuhamya n’ibyaha byo gucuruza abantu rwihishwa. Rwamukatiye gufungwa imyaka 20, ihazabu y’amayero miliyoni eshatu (ni ukuvuga amadolari miliyoni 3.2), no kwishyura indishyi z’akababaro abaziregeye.
Forum