Abarwanyi ba Hezbollah Bagavye Ibitero kw’Ikambi y’Igisirikare muri Isirayeri

Umurwi w’abagwanyi ba Hezbollah bakoze ibitero kw’ikambi y’igisirikare ca Israyeli inyuma y’urupfu rwa bamwe mu bategetsi babo.

Uwo mugwi ukorera muri Libani watangaje ko wakoze ivyo bitero ukoresheje utudege tutagira abadereva (Drones) kw’ikambi y’igisirikare ca Israyeli kuri uno musi wa kabiri. Hezbollah yatangaje ko vyari ibitero vyo kwihora ku rupfu rw’umukomanda wabo aheruka kwicwa.

Hamas yatangaje ko ico gitero c’amadrones cariko gitumbera ikambi ya Israyeli iri ahitwa Safed mu karere kari ku birometero 10 uvuye ku mupaka wa Israyeli na Libani.

Igisirikare ca Israyeli cavuze ko catesheje ivyo bitero vy ’utudege tutari duke twajabutse tuva mu kirere ca Libani tugana Israyeli. Israyeli ivuga kandi ko kimwe mubigisigarira vy’igisasu caguye mw’ikambi yo mu buraruko bwa Israyeli. Bavuze ko ata muntu, yakomeretse kandi ko atacononekaye.

Abajejwe umutekano muri Israyeli batangaje ko igitero c’indege ya Israyeli itagira umuderava carashe imodoka yari iri mu bumanuko bwa Libani, gihitana abantu batatu.

Ivyo bibaye inyuma y’umusi umwe Israyeli ikoze igitero mu bumanuko bwa Libani. Ico gitero cahitana umwe mu bakomanda b’abagwanyi ba Hezbollah azwi nka Wissam al-Tawil. Abategetsi bavuga ko yari afise uruhara rukomeye mu gutungnaya ibikorwa vya gisirikare vya Hezbollah, muri ako karere.