Jacob Zuma wayoboye Afrika y’Epfo yatangaje ko atazatora ishyaka yahozemo rya ANC mu matora rusange ateganijwe umwaka utaha wa 2024.
Zuma w’imyaka 81, umaze igihe asiragira mu nkiko kubera ibyaha bitandukanye akurikiranyweho yavuze ko kudatora iryo shyaka bitavuze ko arivuyemo.
Zuma umaze hafi imyaka 60 muri ANC avuga ko azakomeza kuba umurwanashyaka waryo. Yagize ati “Ni napfa, nzapfa ndi umunyamuryango wa ANC.”
Nyamara avuga ko atazatora abagize iryo shyaka cyangwa ngo aryamamaze. Mu kiganiro n’abanyamakuru mu mujyi wa Soweto, yagaragaje ko azatora akanashyigikira ishyaka rito riherutse gushingwa ryitwa Umkhonto We Sizwe (MK).
Iryo ni naryo ryahoze ari izina ry’umutwe wa gisirikari wa ANC ubwo yari mu rugamba rwo gukuraho ubutegetsi bw’abagashaka buhake.
Zuma avuga ko umutima nama we muri iki gihe utamwemerera kuyobya Abanyafrika y’epfo ababeshya ko ANC iyobowe na Prezida Cyril Ramaphosa hari aho ihuriye na ANC yayobowe na Nelson Mandela na Oliver Tambo.
Aremeza ko, ku nshuro ya mbere kuva mu 1994, ANC ishobora kuzatsindwa mu matora rusange.
Forum