Amasezerano hagati ya Isirayeli na Hamas ashobora gutinda kubahirizwa kurusha uko byari biteganyijwe.
Ubwa mbere, impande zombi n’abahuza bari bavuze ko amasezerano yagombaga gutangira uyu munsi. Ariko ku munota wa nyuma, umujyanama wa guverinona wa Isirayeli, Tzachi Hanegbi, yatangaje ko bitagikunze, ahubwo ko bishobora kuzaba ejo ku wa gatanu.
Katari, umwe mu bahuza, ni yo yabanje gutangaza ko amasezerano agiye gutinda kurusha uko byari biteganyijwe. Majed al-Ansari, umuvugizi wa minisiteri y’ububanyi n’amahanga yayo, yavuze ko “hakiri utuntu tumwe na tumwe” bakiganiraho. Ati: “Ikindi gihe kiramenyekana mu masaha ari imbere.”
Uretse Katari, abandi bahuza ni Leta zunze ubumwe z’Amerika na Misiri.
Mu byo amasezerano bagezeho ateganya, harimo agahenge k’iminsi ine mu mirwano hagati ya Isirayeli na Hamas, no kurekura abantu 50 mu bo Hamas yafashe bugwate, no gufungura Abanyapelesitina 150 bari muri gereza za Isirayeli.
Gusa rero, minisitiri w’intebe wa Isirayeli, Benjamin Netanyahu, yatangaje ko “agahenge ntaho gahuriye no kurangiza intambara.”
Forum