Uko wahagera

Zambiya Yarekuye Abanyamisiri 5 Yagiriza Ubutasi


Ikrata ya Zambiya
Ikrata ya Zambiya

Urukiko rwa Zambiya rwarekuye abanyamisiri batanu n’umunyazambiya umwe uyu munsi kuwa gatanu, nyuma y’uko abashinjacyaha bahagaritse ibirego by’ubutasi bashinjwe mu byumweru bitatu bishize, ubwo bageraga mu gihugu mu ndege y’umuntu ku giti cye, bafite imbunda, amasasu na zahabu itari umwimerere.

Babiri muri abo banyamisiri bashobora kongera gufatwa ku byaha bitavuzwe, ariko bifite uburemere buke ku byo bashinjwaga. Bashobora kandi kurekurwa batanze ingurane, nk’uko byavuze na komisiyo ya Zambiya ishinzwe kurwanya ibiyobyabwenge. Abanyazambiya batanu bandi, ntabwo barekuwe kandi bazajyanwa mu rukiko rukuru ku byaha byo kwinjira mu bice bibujijwe by’ikibuga cy’ndege, nk’uko umucamanza mukuru yabivuze.

Abagabo 11 kuwa mbere bashinjwe n’urukiko mu murwa mukuru, Lusaka mu rubanza rwateye rubanda amatsiko mu bihugu byombi, Misiri na Zambiya.

Ikigo cya Zambiya gishinzwe kurwanya ibiyobyabwenge, mu byo cyabonye mu ndege, kivuga harimo miliyoni 5 n’ibihumbi 700 by’amadoli mu makashi, imbunda za pistole 5, amasasu na kilogarama zigera mw’i 127 z’ibyakekwaga kuba zahabu. Baje gusanga atari yo. Ibyo byabonetse basaka iyo ndege kw’itariki 13 y’ukwezi gushize kwa munani.

Umushinjacyaha ntiyavuze impamvu ibirego byahagaritswe. Cyakora umwe mu banyamisiri barekuwe, yabwiye abanyamakuru hanze y’urukiko ati: “Iki si igihe cyo kugira icyo umuntu yavuga. Twari tubizi guhera ku munsi wa mbere ko turi abere”.

Abashinzwe umutekano babiri ba Misiri, bavuze ko indege yafatiwe muri Zambiya yari yasatswe n’abayobozi mbere yo guhaguruka i Kayiro, ariko ko umwe mu banyamisiri bafashwe yabashije kurira indege n’ibikapu bitigeze bisakwa, ubu birimo gukorwaho iperereza. ((Reuters))

Forum

XS
SM
MD
LG