Urugereko rw’ubujurire rw’urwego rwasigariyeho kurangiza imanza zasizwe n’inkiko mpuzamahanga mpanabyaha rwahamije icyemezo cyafashwe n’urugereko rwa mbere ko Kabuga atazakomeza kuburana kubera uburwayi. Themistocles Mutijima aratubwira mu buryo burambuye mw'ijwi rye iby'uwo mwanzuro.
Umushinjacyaha w’urwo rwego, Serge Brammertz, yatangaje ko icyo icyemezo kigomba kwubahirizwa, nubwo bwose umwanzuro udashimishije.
Yatangaje kuri uyu wa kabiri ko yasuzumye neza icyemezo cy’urugereko rw’uburujurire ku birebana na Kabuga. Aragira ati: icyemezo bafashe kigomba kwubahirizwa, nubwo bwose umwanzuro udashimishije. Akomeza agira ati: “uyu mwanzuro watewe ahanini nuko Kabuga yamaze imyaka myinshi yarihishe ubutabera. Yari azi neza ibyabaye mbere no mu gihe cya jenoside yakorewe Abatutsi, ariko yanga kwitaba urukiko mpuzamahanga ngo yiregure ku byaha aregwa.
Yafashijwe kwihisha n’umuryango we, n’inshuti ze, kuva muri Kenya, kugeza aho yafatiwe mu Bufaransa. Umushijacyaha Brammertz akomeza agita ati: “Ndazirikana abahitanywe na jenoside kimwe n’abayirokotse. Bamaze imyaka igera kuri 30 bizeye ko bazabona ubutabera. Nzi neza ko iki cyemezo kirushako kubahahamura no kubakura umutima. Ubwo mperuka mu Rwanda, niyumviye ukuntu bari bizeye ko iburanishwa rya Kabuga ryakorwa rikarangira.
Ati: Mbijeje ko urwego nyobora rutazahagarika kubakorera. Ifatwa riheruka rya Fulgence Kayishema rirerekana ko abakoze jenoside mu Rwanda bazayikurikirwaho mu nkiko zo mu Rwanda mu bindi bihugu. Arangiza avuga ati: Umwanzuro wafashwe ushobora kuba udashimishije, ati ariko guharanira ubutabera ku bazize jenosie n’abayorotse, ntibizahagarara”.
Forum