Uburusiya butangaza ko bwaburijemwo igitero ca Ukraine cari kigamije kwica Prezida Vladimir Putin.
Uburusiya buvuga ko Ukraine yateye umuhana wa Prezida Vladimir Putin “ikoresheje indege zibiri z’intambara zitagira umudereva, Drones”.
Umutegetsi mu biro vya prezida wa Ukraine yateye ivyatsi ibi vyagiriji yise irementanya ry’Uburusiya. Yongeye yumvikanisha ko Uburusiya buriko burondera inyendamuvano yo gukora ayandi mahano muri Ukraine.
Uburusiya nta makuru menshi ya kamere ka drone za Ukraine zoba zateye umuhana wa prezida w’Uburusiya bwatanze. Mw’itangao bwasohoye, bwagize buti: “Abasirikare bacu bakerebutse barasa izo ndege. Iki gikorwa, tugifata nk’ik’iterabwoba, no gushaka kugandagura Prezida Putin”. Uburusiya bwagabishije ko buzokwihora “igihe kigeze.”
Si ubwa mbere Uburusiya bwagiriza Ukraine ibitero bitandukanye. Ivyagiriji Uburusiya bwegetse kuri Ukraine kuri ino ncuro yamara ni vyo vya mbere biremereye kuva butangura kugaba ibitero muri Ukraine.
Itororokanirizo ry’amakuru ya Reta mu Burusiya, RIA, rivuga ko igihe ico “gitero coba cagabwe, prezida w’Uburusiya atari iwe, yari ahari ingoro yiwe yindi kure y’umurwa mukuru, Moscou. (Reuters)
Facebook Forum