Uko wahagera

Senegali: Ousmane Sonko Utavuga Rumwe na Leta Yahanishijwe Igifungo Gisubitse



Osmane Sonko Utavuga rumwe n'Ubutegetsi muri Senegali
Osmane Sonko Utavuga rumwe n'Ubutegetsi muri Senegali

Umunyapolitiki uri imbere mw’ishyaka ritavuga rumwe n’ubutegetsi muri Senegali kandi ushaka umwanya wa perezida, Ousmane Sonko, kuri uyu wa kane yahawe igihano cy’igifungo gisubitse cy’amezi abiri, ku cyaha cyo gusebya minisitiri w’ubukerarugendo.

Byavuzwe n’uwunganira uyu muminisitiri mu rukiko, El Hadji Diouf. Icyo gihano ntikizamubuza kwiyamamariza amatora yo mu mwaka utaha. Ni ikintu kiboneka nk’uburyo ubuyobozi bugerageza kwirinda umwuka mubi n’abayoboke be, bakomeje kwihereza imihanda bamagana icyo bavuze ko ari politiki yihishe inyuma.

Pierre Olivier Sur, ni undi nawe wunganira minisitiri w’ubukerarugendo. Yagize ati: “Ni icibwa ry’ububanza rigamije kuzana umutuzo”. Yakomeje agira ati: “Ni igihano cyoroheje ku buryo kitakwambura Sonko, umwidegembyo wa gisivili no na politiki, hamwe n’uburenganzira bwe bwo kuguma mu biganiro mpaka bya politiki”.

Nta tangazo ryahise rituruka ku ruhande rwa Sonko. Uyu mugabo w’imyaka 48, yashinjwe gusebya minisitiri w’ubukerarugendo, ubwo yamuregaga gukoresha nabi umutungo wa Leta. We yavuze ko nta kibi yakoze, kandi na mbere yari yaravuze ko ibyo aregwa, ari uburyo bwo kumukura mu bikorwa byo kwiyamamariza itora rya perezida. Guverinema yahakanye ibyo birego.

Uretse igifungo gisubitse, uwunganira Sonko yavuze ko urukiko rwamutegetse kwishyura miliyoni 200 z’amafaranga ya CFA. Ni ukuvuga angana n’amadolari y’Amerika 332,000, (Reuters)

Facebook Forum

XS
SM
MD
LG