Abantu 23 bahitanywe n’imiyaga ikaze n’imvura ivanzemo inkuba, abandi babarirwa muri mirongo barakomereka muri Leta ya Mississipi inaha muri Amerika, mw’ijoro ry’ejo kuwa gatanu. Bitangazwa n’ikigo cy’igihugu gishinzwe ibiza, cyavuze ko ibyo biyaga n’imvura byangije ibintu ku bilometero 160.
Abantu bane baburiwe irengero mu gihe ibikorwa byo gushakisha no gutabara abarusimbutse bikomeje, nyuma y’uko umujyi wa Silver City utuwe n’abantu 200 wibasiwe, mu burengerazuba bwa Mississipi, nk’uko byagaragaye kuri Twiter y’icyo kigo gishinzwe ibiza.
Iki kigo cyanditse kigira kiti: “Ikibabaje ni uko iyo mibare byitezwe ko iza guhinduka”. Aha bashakaga kuvuga imibare y’abapfuye.
Itsinda ry’abatabazi ryari no mu mujyi wa Rolling Fork, utuwe n’abantu 1,700 nawo wahuye n’ibyo biyaga, nk’uko byatangajwe na televisiyo y’inyamerika, CNN.
Meya wa Rolling Fork, Eldridge Walker yabiye CNN ko abantu 12 bapfuye ari ab’i Rolling Fork. Yongeyeho ko abandi benshi bari mu mazu, batabashije gusohoka. Yakomeje avuga ko harimo gukorwa ibikorwa b’ubutabazi, byasubukuwe mu gitondo cyo kuri uyu wa gatandatu. (Reuters)
Facebook Forum