Urubuga rwa Facebook rugiye gusezerera abakozi bagera ku bihumbi 10. Mu butumwa Mark Zuckerberg, nyene urubuga rwa Facebook yarungikiye abakozi ba Facebook, yavuze ko hambavu y’abo bakozi ibihumbi 10 Facebook izokwirukana, hari ubuzi bugera ku 5000 bwari mu kuja kw’isoko ry’akazi butagitanzwe.
Facebook isigura ko ukwirukana abo bakozi biri mu mugambi wayo wo gutunganya neza urwo rubuga biciye mu kugumana abakozi bakenewe no gukuraho imigambi iryo shirahamwe ridashimikirako cane. Iyirukanywa ry’abo bakozi ryatumye umutahe wa Facebook wiyongerako ibice 2%.
Mark Zuckerber nyene Facebook ashimangira ko iyi ngingo izotuma umwaka wa 2023 uba mwiza kuri urwo rubuga. Amafaranga urubuga rwa Facebook ruzoziganya mu kwirukana abo bakozi agera ku mamiriyaridi 5 y’amadorari.
Ubutunzi bujegajega buri mu biriko bituma amashirahamwe atandukanye muri Amerika arimwo Amazon na Microsoft agabanya abakozi. Kuva mu 2022, Facebook imaze gusezerera abakozi bagera ku bihumbi 280. Abanyuma birukanywe haraheze amezi ane bari ibihumbi 11.
Facebook Forum