Uko wahagera

Indege z’Intambara Zarashe mu Ntara ya Gaza muri Palestina


Amapine yaturiwe n'Abanyepalestina biyamiriza ibitero vya Isirayeri
Amapine yaturiwe n'Abanyepalestina biyamiriza ibitero vya Isirayeri

Muvema ya kiyisilamu y’abanyepalestina, Jihad mu ntara ya Gaza, yigambye kuri uyu wa gatanu, kuba ari yo yarashe ibisasu bya roketi kuri Isiraheri mw’ijoro ryakeye, mu gihe amahanga agerageza guhosha umwuka mubi wakurikiye umwe mu mikwabu yaguyemo abantu, mu ntara yigaruriwe ya Sisjordaniya, hashize imyaka.

Indege z’intambara zibasiye Gaza kuri uyu wa gatanu, mu rwego rwo kwihimura kuri za roketi, hafi y’umupaka ahari bariyeri ibuza kwijira mu gice cyo ku nkombe mu majyepfo, hagenzurwan’umutwe wa kisilamu Hamas.

Nta makuru y’abahitanywe n’ibitero yatangajwe ku ruhande urwo ari wo rwose, kandi nta kimenyetso na kimwe cyerekana ko ubushyamirane bwafashe intera ugereranyije n’ubwagiye buboneka muri iyi myaka ya vuba.

Ibisasu byumvikanye mw’ijoro ryakeye, byaje bikukirira umukwabu wa Isiraheli mu nkambi y’impunzi mu ntara ya Sisjordaniya, ejo kuwa kane kandi hishwe abanyepalestina byibura 9. Ibyo byatumye umubare w’abanyepalestina bamaze gupfa muri uyu mwaka wa 2023, ugera ku bantu byibura 30.

Abapfuye barimo abarwanyi bari bafite imbunda kimwe n’abasivili byibura babiri. Ni wo mu bare munini mu munsi umwe, w’abaguye mu ntara ya Sisjordaniya mu myaka myinshi. Hari n’umugabo wiciwe mu gitero gitandukanye, i al-Ramm hanze ya Jeruzalemu.

Umukwabu uheruka, mu bushyamirane bwabaye hafi buri munsi mu ntara ya Sisjordaniya ku mwaka ushize wose, ubaye hasigaye iminsi mike ngo minisitiri w’ububanyi n’amahanga wa Leta zunze ubumwe z’Amerika, Antony Blinken, agenderere Isiraheli na Sisjordania. Amerika yasabye ko umutuzo ku mpande zombi. (Reuters)

Facebook Forum

XS
SM
MD
LG