Uko wahagera

Imirambo y’Abagabo 28 Bicishijwe Amasasu Yabonetse muri Burkina Faso


Icapa cerekana ahatangurira igisagara ca Nouna muri Burkina Faso
Icapa cerekana ahatangurira igisagara ca Nouna muri Burkina Faso

Ubushinjacyaha buvuga ko imirambo y’abagabo 28 bicishijwe amasasu yabonetse mu majyaruguru y’uburengerazuba bwa Burkina Faso mu mujyi wa Nouna.

Iperereza ryaratangijwe kuri ubwo bwicanyi bwamenyekanye kw’itariki ya 30 n’iya 31 z’ukwezi gushize, nk’uko abasashinjacyaha babivuze mw’itangazo. Cyakora nta bindi bisobanuro batanze ku baba baragabye ibitero cyangwa icyaba cyarabibateye.

Iki gihugu cyo mu burengerazuba bw’Afurika gihanganye n’urugomo rw’inyeshyamba z’abajihadiste rwakwirakwiriye ruturutse mu gihugu bituranye cya Mali muri iyi myaka icumi yose ishize. Abantu ibihumbi barishwe mu karere kose kandi miliyoni nyinshi bateshejwe ingo zabo.

Umuryango wa sosiyete sivili ya Burkina, CISC, wamaganiye ibyo bitero by’i Nouna, ku basivili bafite imbunda bitwara nk’abari mw’itsinda ry’abakorera bushake barinda umutekano w’igihugu, VDP, itsinda rihabwa amafaranga n’imyitozo na guverinema kugirango rifashe kurwanya inyeshyamba. (Reuters)

Facebook Forum

XS
SM
MD
LG