Abayobozi muri Sudani y’epfo, baravuga ko abantu 56 baguye mu bushyamirane bw’amoko. Ni imirwano imaze iminsi ine mu ntara ya Jonglei iherereye mu burasirazuba bwa Sudani y’epfo.
Ni nyuma y’uko urubyiruko rw’abo mu bwoko bwa Nuer bagabye igitero ku bo mu bundi bwoko bw’aba-Murle, nk’uko abayobozi babivuze ejo kuwa kabiri. Abapfuye benshi ni aba Nuer.
Urubyiruko rufite intwaro rw’aba-Nuer rwatangiye kugaba ibitero ku miryango y’aba Murle, kw’itariki ya 24 y’uku kwezi kwa 12. Ni muri komini ya Gumuruk n’iya Likuangole nk’uko bivugwa na Abraham Kelang, umuyobozi muri guverinema mu karere ka Greater Pibor.
Uyu muyobozi yavuze ko 51 mu bishwe, ari aba Nuer, bagabye ibitero na batanu b’aba-Murle, bishwe birwanaho. Sudani y’epfo yahawe ubwigenge na Sudani mu mwaka wa 2011, ihora itembamo imivu y’amaraso kandi hashize imyaka mirongo, haba ubushyamirane hagati y’abahinzi n’aborozi. (Reuters)
Facebook Forum