CEDEAO Yiyemeje Gushinga Igisirikare co Kurwanya Amakudeta mu Karere

Abakuru b’igihugu mu karere ka Afrika y’uburengero bavuze kuri uyu w’Imana ko bagiye gushiraho nteko z’akarere zigiye kuzofasha kugarukana umutekano n’iyubahirizwa ry’amabwirizwa shingiro mu karere kabayemwo ikurikirana ry’amakudeta mu myaka ibiri iheze.

Abategetsi b’ibihugu vyo muri CEDEAO babivugiye mw’itangazo basohoye inyuma y’inama ngarukamwaka bakoreye i Abuja ku murwa mukuru wa Nijeriya. Izo nteko zizofasha aho zizoba zikenewe, haba kugarukana umutekano, kurwanya iterabwoba, gusubiza ibihugu ku rutonde rw’ibwirizwa shingiro.

CEDEAO ntiyavuze ingene izo nteko zizoshirwaho, ariko abashikiranganji bo kwivuna abansi bagiye kuzohura mu kwezi kuza kuganira ingene abo basirikare bazokora.

Abategetsi bo muri CEDEAO bashikirije amakenga ku basirikare 46 ba Cote d’Ivoire bagifunguwe muri Mali. Basavye abategetsi ba Mali kurekura abo basirikare mu mpera z’uku kwezi.