N'ubwo yatsinzwe na Musanze FC, ikipe ya Rayon Sport ni yo ikiri ku mwanya wa mbere ku rutonde rw'agateganyo rwa shampiyona y'umupira w'amaguru mu kiciro cya mbere mu Rwanda.
Ku wa gatandatu habaye imikino itatu: Etincelles FC yanganyije na Rutsiro FC ubusa ku busa kuri Stade Umuganda i Rubavu. Kuri Stade ya Kigali i Nyamirambo, Gorilla FC yatsinze Police FC igitego 1 ku busa. Sunrise yatsinze Bugesera FC igitego 1 ku busa kuri Stade Golgota i Nyagatare.
Ku cyumweru habaye imikino ine: Kuri Stade Ubworoherane i Musanze, ikipe ya Musanze FC yatsinze Rayon Sport ibitego 2 ku busa. Mukura Victory Sport yanganyije n'APR FC ubusa ku busa kuri Stade Huye i Butare. Kuri Stade ya Kigali i Nyamirambo Gasogi United yatsinze Kiyovu Sport ibitego 3 kuri 1. Kuri Stade y'i Ngoma, Rwamagana City yatsinze Espoir FC igitego 1 ku busa.
Umukino umwe usigaye w'umunsi wa cumi na rimwe uteganyijwe ku wa mbere tariki 28 Ugushyingo 2022 kuri Stade Umuganda i Rubavu hagati ya Marines FC na AS Kigali.
Kugeza ubu, ku rutonde rw'agateganyo ku munsi wa 11 wa shampiyona amakipe akurikirana kuri ubu buryo :
1.Rayon Sport 22
2.Kiyovu Sport 21
3.APR FC 19
4.Gasogi United 18
5.AS Kigali 17
6.Gorilla FC 17
7.Musanze FC 17
8.Police FC 17
9.Mukura Victory Sport 14
10.Bugesera FC 14
11.Etincelles FC 13
12.Sunrise 12
13.Rutsiro 10
14.Rwamagana City 10
15.Espoir FC 7
16.Marine FC 5
Facebook Forum