Uko wahagera

Kameruni Yamagana Abinjiza Intwaro mu buryo Bunyuranyije n’Amategeko


Ingabo za Kameruni

Kameruni yamagana abinjiza intwaro mu gihugu mu buryo bunyuranyije n’amategeko, kuba aribo benyegeza ibitero by’abakoresha iterabwoba ba Boko Haram, abitandukanyije bavuga icyongereza hamwe n’abanyarugomo.

Igisirikare cya Kameruni kivuga ko cyabashije gufata intwaro nto, nke zitageze ku 5.000 mu zigera mu 130.000, inyinshi zinjiye mu buryo bwa magendu ziturutse muri Cadi na Nijeriya. Iki gisirikare cyatunze agatoki ibihugu bituranyi, nyuma y’inama y’uyu munsi kuwa kabiri ku bijyanye n’intwaro zinjizwa mu mijyi ya Maroua na Garoua ku mipaka ya Cadi na Nijeriya.

Koloneli Jean Jacques Fouda ayoboye ingabo zirwanya abinjiza intwaro mu gihugu. Avuga ko intwaro nyinshi zitemewe n’amategeko zafatiwe mu majyaruguru ya Kameruni zaturutse mu bihugu birimo ubushyamirane, nka Repuburika ya Santrafurika, Cadi, Nijeriya no hirya kure muri Sudani.

Avuga ko izo ntwar zitangwa n’abarwanyi ba Boko Haram zikomeje kuba intambamyi ku mahoro n’umutekano bya Kameruni. Koloneli Fouda avuga ko imitwe y’iterabwoba ikwirakwiza intwaro mu basivili kugirango barwanye ingabo za guverinema. Ariko avuga ko bamwe mu basivili, barimo gukoresha izo ntwaro mu kugaba ibitero no kwica abantu mu mijyi no mu midugudu yo ku mipaka ya Kameruni, Nijeriya na Cadi.

Ibi bihugu byarahiriye gukorana na Kameruni, mu rugamba ku byaha byo ku mipaka, nk’ibyo byo kwinjiza intwaro.

Julie Mballa uyoboye umushinga wo kwambura intwaro muri programu ya ONU, PNUD, muri Kameruni, avuga ko abasivili benshi bakoresha izo ntwaro mu kwiba no kwica urubyiruko rw’abashomeri. Akavuga ko barimo kwigisha urubyiruko rw’abahungu, rugize umubare munini w’abasivili, ibijyanye n’intwaro zitemewe n’amategeko, bityo bafashe hasi izo batunze. (VOA News)

Facebook Forum

XS
SM
MD
LG