Uko wahagera

Abakekwa Kuba Abajihadiste Bishe Abasirikare n'Abasirikare muri Nijeriya


Distrikte ya Abadam, mu buraruko bushira ubuseruko bwa Nijeriya

Abantu bitwaje inkoho zikomakomeye bagavye igitero ku kambi y’abasirikare hamwe no ku gisagara kiri mu buraruko bushira ubuseruko bwa Nijeriya, bica abasirikare icenda, abaporisi babiri hamwe n’abasivile.

Amakuru atangwa n’abajejwe umutekano hamwe n’abanyagihugu baba muri utwo turere, avuga ko abo bagizi ba nabi baje mu makamyo, kandi bakekwa kuba abo mu muhari w’iterabwoba ukorera mu karere ka Afrika y’uburengero.

Bavuze ko bateye igisagara ca Malam Fatori, muri komine ya Abadam, ku mugoroba wo ku musi wa gatanu gushika mu gatondo ko ku musi wa gatandatu.

Amasoko abiri ava mu bajejwe umutekano yavuze kuri uyu w’Imana ko abasirikare icenda n’abaporisi babiri bahasize ubuzima muri ico gitero ku kambi.

Malam Fatori, ni igisagara kiri ku birometero 200 uva Maiduguri, ku murwa mukuru w’iyo ntara. Ico gisagara carigeze gufatwa na Boko Haram mu 2014 mu nyuma igisirikare kiracigarurira mu 2015.

Facebook Forum

XS
SM
MD
LG