Uko wahagera

DRC: Imyiyerekano y'Abashavujwe n'Umusirikare Yishe Umunyeshure


Ikarata ya Kongo

Kuri uyu wa mbere abanyeshuri b’i Minembwe muri teritware ya Fizi, mu burasizuba bwa Repubulika ya demokarasi ya Kongo, biriwe mu myigaragambyo yo kwamagana ubwicanyi bwakorewe umunyeshuri n’umusirikare w’ingabo za Kongo.

Ni imyigaragambyo yitabiriwe n’abanyeshuri n’abarimu babo nyuma y’urupfu rwa Mugaza Samuel, umusore uri mu kigero cy’imyaka 16 y’amavuko, wishwe atemaguwe n’umwe mu basirikare ba FARDC ukorera wo muri Brigade ya 12 iri mu Minembwe.

Bavuye mu bigo bitandukanye berekeza ahakorera ubuyobozi bukuru bwa gisirikare, ubwa MONUSCO ndetse n'ubwa polisi buri ahitwa Madegu. Bari bafite ibyapa byanditseho ko bamaganye ubwicanyi bwakorewe umunyeshuri mugenzi wabo basaba ko abakoze ubwo bwicanyi bahanwa.

Ku bwa Ruvuzangoma Rubibi St Cadet, umuyobozi wa sosiyete sivile mu Minembwe avuga ko batanganzwa n’uburyo abantu bicwa n’abari bashinzwe kubarindira umutekano.

Ubuyobozi bw’ingabo za Kongo bwabwiye ijwi ry’Amerika ko uwo musirikare wishe uwo munyeshuri yafashwe ubu afunzwe kandi ko bategereje abacamanza ba gisirikare bazava Uvira bakaza kumuburanisha imbere y’abaturage mu Minembwe .

Si ubwa mbere mu Minembwe abasirikare bashinjwa ibyaha byo kwica abaturage. Ubwicanyi nk’ubwo bwaherukaga mu 2021 ubwo abagore batanu bishwe n’abasikare b'iyo Brigade ya 12.

Facebook Forum

XS
SM
MD
LG