Uko wahagera

Covid-19: Indoneziya mu Biganiro n'Ibihugu vya Afurika


Urucanco rwa Covid-19 rwakozwe na Indoneziya

Indoneziya iri mu biganiro n’ibihugu byinshi byo muri Afurika, harimo Nijeriya kugirango izagurishe kandi itangire ubuntu, urukiko rwa COVID-19 rwakorewe imbere mu gihugu.

Abakoze urwo rukingo babivuze uyu munsi kuwa gatanu, nyuma yo kuba igihugu cya mbere cyo mu majyepfo ashyira uburazirazuba bw’Aziya, cyemeje urukingo rwa COVID rwahakorewe.

Urukingo rwemejwe rwa Indoneziya, ibisobanuro birambuye ku mibare yavuye mu igerageza ryarwo itaratangazwa, hashingiwe kandi ku bwoko bwihinduranyije bwa virusi ya corona, Omicron, biragaragaza intera ubushakashatsi bumaze kugeraho no kuba ibihugu bitakirambirije kuri tekinoloji y’amahanga.

Honesti Basyir, umuyobozi mukuru w’isosiyeti ya Leta, Bio Farma, yabwiye ibiro ntaramakuru byo mu Bwongereza Reuters ati: “Kuba Indoneziya ifite urukingo, IndoVac, ni amahirwe ya yo yo kurufashisha ibindi bihugu”. Urwo rukingo rwemejwe n’urwego rushinzwe gucunga ibijyanye n’imiti, BPOM, mu kwezi gushize.

Bio Farma yavuze ko yanatanze impampuro zose mu ishami rya ONU ryita ku buzima, OMS, kugirango urukingo IndoVAc rukoreshwe mu bihe bikomeye. Ibyo byatuma rutangwa ku buntu binyuze mu miryango nk’umugambi rusange wo gusangira inkingo, COVAX. Hagati aha Indonesiya ishobora kugurisha urwo rukingo mu mahanga. Isosiyete Bio Farma ifite umugambi wo gukora doze miliyoni 20 za IndoVac muri uyu mwaka, ariko uzagerwaho, uzaterwa na gahunda y’inkingo ya guverinema.

Indoneziya yamaze gukingira mu buryo bwuzuye, abarenga 63 kw’ijana bya miliyoni 270 z’abaturage bayo, ikoresheje inkingo za Pfizer/BioNTech, Moderna na Sinovac Biotech y’Ubushinwa.
Umuyobozi mukuru wa Bio Farma, Honesti yavuze ko iyi sosiyeti, yahagaritse gukora urukingo rwa Sinovac mu mwaka ushize kandi ko itari iri mu nzira yo gushakisha ibikoresho bituruka mw’isosiyete y’Ubushinwa, nibwo yahindukiye yibanda kuri IndoVac. (Reuters)

Facebook Forum

XS
SM
MD
LG