Uko wahagera

Igitero c'Uwitwaje Inkoho muri Tayilande Cahitanye Abana 23


Ahagabwe igitero

Polisi yo muri Tayilande yavuze ko umugabo wari witwaje imbunda, yateye ikigo kirererwamo abana mu majyaruguru y’uburasirazuba bw’umujyi wa Nongbua Lamphu, uyu munsi kuwa kane, akica abantu batari munsi ya 30 barimo abana 23.

Abategetsi bavuze ko uwagabye igitero yatorotse kandi ko yasubiye iwe, aho yishe umugore we n’umwana, mbere yo kwiyica nawe. Bamenye ko uwo mugabo wari ufite imbunda, yari anafite n’imbugita, yahoze ari umwofisiye mu gipolisi.

Yirukanywe mu mwaka ushize kuko yakoreshaga ibiyobyabwenge. Ibiro ntaramakuru by’Abafaransa, AFP, byashyize ifoto kuri Facebook, ibiro bikuru bishinzwe iperereza bya Tayilande, byerekana Panya Khamrab, wahoze ari umupolisi. Bikekwa ko ari we wari inyuma y’ubwicanyi bwahitanye abantu ikivunge mu majyaruguru ya Tayilande. Kwica abantu ikivunge, ni ibintu bidasanzwe muri Tayilande.

Facebook Forum

XS
SM
MD
LG