Amerika Izoha Ukraine Iyindi Mfashanyo ya Gisirikare Ingana Umuriyaridi $1.1

Amerika yatangaje kuri uyu wa gatatu iyindi mfashanyo nshasha ya gisirikare kuri Ukraine ifise agaciro k’umuriyaridi 1.1 w’amadolari.

Ubushikiranganji bwo kwivuna abansi bwa Amerika bwavuze ko iyi mfashanyo nshasha igizwe n’ibisasu vya misile, amasasu asanzwe y’inkoho, ibirwanisho vyo gukorora amadrone, ubuhinga bwa radari hamwe n’ibiduga vyo mu bwoko bwa Blinde.

Iyi mfashanyo nshasha ya gisirikare iciye ishikana iyingana n’imiriyaridi 16.2 z’amadolari imaze guhabwa Ukraine kuva Uburusiya butera kw’itariki ya 24 z’ukwa kabiri.