Abasivile 35 Barishwe na Mine mu Buraruko bwa Burkina Faso

Abasivile bashika kuri 35 barishwe abandi 37 barakomereka mu buraruko bwa Burkina Faso kuri uyu wa mbere. Reta mfatakibanza mu ico gihugu yavuze ko hari igihe imodokari yari mu rukurukikirane rw’izindi iturikijwe n’igisasu ca mine catezwe mw’ibarabara.

Izo modokari zariko zigenda ku murwa mukuru, Ouagadougou, igihe zaturitswa n’ico gisasu hagati y’ibisagara biri mu buraruko vya Djibo na Bourzanga. Ni akarere abarwanyi b’intagondwa z’abayisilamiste bamenyereye gutera imihana y’abanyagihugu, abaporisi hamwe n’abasirikare.