Uko wahagera

Mu Burusiya Umunyamakuru Ivan Safronov Yakatiwe Imyaka 22 y'Igifungo


Urukiko mu Burusiya rwakatiye umunyamakuru Ivan Safronov igihano cyo gufungwa imyaka 22. Yashinjwaga ibyaha birimo kugambanira igihugu.

Safronov w’imyaka 32 yakoreraga ikinyamakuru Kommersant. Yari umwe mu banyamakuru bakomeye bandika inkuru zerekeranye n’umutekano. Yaregwaga ibyaha birimo ubugambanyi no gushira hanze amabanga y’igihugu.

Ubwo urukiko rwafataga icyemezo ku rubanza rwe, mu rukiko no hanze yarwo hari hateranye imbaga y’abantu bari mu myigaragambyo basaba irekurwa ry’uyu munyamakuru. Sofronov yumvikanye ababwira ko abakunda mbere yo kurizwa imodoka yamusubije muri gereza.

Sofronov yatawe muri yombi mu 2020 nyuma y’igihe gito ahagaritse itangazamakuru. Ikigo gishizwe ubutasi mu Burusiya cyamureze ubugambanyi burimo guha amakuru ya gisirikari kimwe mu bihugu bigize umuryango wa OTAN.

Sofronov we ntiyemera ibyo ashinjwa akavuga ko bishingiye ku mpamvu za politike no gushaka kumwigizayo.

Facebook Forum

XS
SM
MD
LG