Muhamed Mukhtar Al-Khatib, umuyobozi ukomeye w’ishyaka rya politiki muri Sudani, Sudanese Communist Party, ejo kuwa kane yatawe muri yombi, ubwo imyigaragambyo yari yakaze i Kharthoum.
Ni imyigaragambyo imaze amezi arindwi, yamagana ubuyobozi bwa gisilikare. Abigaragambya, baterwamo imyuka ya gazi. Hanoherejwe abashinzwe kurinda umutekano benshi.
Kudeta ya gisirikare yo mu kwezi kwa 10, yakuyeho amasezerano yo gusangira ubutegetsi yo mu 2019, hagati y’abasilikare bakuru bahiritse Perezida Omar al-Bashir, n’amashyaka ya politiki ataravugaga rumwe nawe.
Rimwe muri ayo mashyaka ni the Sudanese Communist Party, ryavuze ko umuyobozi wa ryo Muhamed Mukhtar Al-Khatib, yatawe muri yombi avuye mu ruzinduko i Juba.
Yahabonaniye n’abayobozi b’abarwanya ubutegetsi bwa Sudani. Iryo shyaka, ryagaragaje neza ko rirwanya iyo kudeta n’andi masezerano y’ibihe ibiri imbere, rivuga ko ryarimo gushaka ingufu zihuriweho zo kwamagana kudeta.
Reuters
Facebook Forum