Uko wahagera

Umunyepalistina Wishe Abantu 2 i Tel Aviv Yarashwe n'Ingabo za Isirayeli


Ingabo zishinzwe umutekano muri Isiralyeli

Ingabo zishinzwe umutekano za Isirayeli uyu munsi kuwa gatanu zavuze ko zarashe zikica Umunyepalestina wishe abantu babiri i Tel Aviv mu kabari, nyuma y’amasaha ashakishwa muri uwo mujyi.

Ingabo za Isirayeli ziryamiye amajanja kandi nta “nzitizi n’imwe izabaho” mu rugamba rwazo kugirango “zirandure iterabwoba”. Aya magambo yavuzwe na Minisitiri w’intebe Naftali Bennett mw’itangazo ridasanzwe afatanyije na Minisitiri w’ingabo n’uwumutekano.

Perezida w’abanyepalestina, Mahmoud Abbas, yamaganye icyo gitero kandi ashimangira ko ibyago “bigikomeje mu musigiti Al-Aqsa n’ibikorwa by’ubushotoranyi bw’intagondwa mu batujwe”. Byashyizwe ahagaragara n’ikinyamakuru WAFA cy’abanyepalestina, kivuga hamwe mu hantu hatatu hatagatifu kuri Islamu.

Abofisiye basanze uwo warashwe, yihishe hafi y’umusigiti ahitwa Jaffa, mu majyepfo ya Tel Aviv, nk’uko byavuzwe n’ibiro ntaramakuru bya Isirayeli, Shin Bet. Shin Bet ivuga ko mw’ihererekanwa ry’amasasu, uwateye mu kabari, yishwe. Yongeraho ko uwo ari umugabo w’imyaka 28 y’amavuko w’umunyepalestina, ukomoka i Jenin, umujyi wigaruriwe w’intara ya Cisjordaniya, akaba yari ari muri Isirayeli nta ruhushya abifitiye.

Mw’ijoro ry’ejo kuwa kane, ubwo wikendi yari itangiye muri Isirayeli, uwo wagabye igitero, yinjiye mu kabari kari ku muhanda munini nyabagendwa, i Tel Aviv atangira kurasa, yica abantu babiri, akomeretsa bikomeye abandi batatu , mbere yo guhunga.

Abahatuye babwiwe kutava mu mazu yabo, mu gihe abashinzwe umutekano amagana ba Isirayeli, barimo gufasha gushakisha uwo mugabo, hifashishijwe kajugujugu kandi bashakisha ahantu hose ku mihanda.

Facebook Forum

XS
SM
MD
LG