Uko wahagera

USA: Kamala Harris Yabaye Perezida w'Amerika ku bw'Ubusugire


Visi-Perezida w'Amerika Kamala Harris

Muri Leta zunze ubumwe z'Amerika, Visi-Perezida Kamala Harris agomba kuba umukuru w'igihugu ku bw'ubusigire mu gihe Perezida Joe Biden aba ari kwa muganga uyu munsi.

Mu gitondo kare, Perezida Biden yagiye mu bitaro bya gisilikare byitwa Walter Reed, nko muri kilometero 15 uvuye ku ngoro y'umukuru w'igihugu Maison Blanche. Agomba kwisuzumisha amara, mu buryo bita "colonoscopy" mu Cyongereza, cyangwa "coloscopie" mu Gifaransa, isaba ko bamusinziriza, nk'uko umuvugizi we, Jen Psaki, abisobanura mu itangazo yashyize ahagaragara.

Psaki yagize, ati: "Kubera izo mpamvu, kandi nk'uko itegeko nshinga ribiteganya, yasize ahaye Visi-Perezida Kamala Harris ububasha bw'umukuru w'igihugu ku bw'ubusigire. Arabusubirana akimara gukanguka." Agomba guha kopi z'amaruwa yombi n'umuyobozi w'Umutwe w'Abadepite, Nancy Pelosi, nimero ya gatatu mu butegetsi bwa Repubulika inyuma ya Perezida na Visi-Perezida.

Ni ubwa mbere umutegarugoli agize ububasha bw'umukuru w'igihugu, n'ubwo ari amasaha make bwose, mu mateka ya Leta zunze ubumwe z'Amerika. Ariko si ubwa mbere perezida wa Leta zunze ubumwe z'Amerika asigiye ububasha icyegera cye mu gihe gito muri ubu buryo. Urugero: byabaye kabiri kuri Perezida George W. Bush na Visi-Perezida Dick Cheney mu 2002 no mu 2007.

Joe Biden azuzuza imyaka 79 ejo kuwa gatandatu. Ni we perezida w'Amerika ukuze kurusha abandi bose bamubanjirije ku butegetsi.

Facebook Forum

XS
SM
MD
LG