Uko wahagera

USA: Antony Blinken Azasura Ibihugu Bitatu by'Afurika


Minisitiri w'ububanyi n'amahanga w'Amerika Antony Blinken.

Minisitiri w'ububanyi n'amahanga wa Leta zunze ubumwe z'Amerika, Antony Blinken, azasura Afrika bwa mbere mu cyumweru gitaha.

Blinken azahaguruka i Washington kuwa mbere yerekeza i Nairobi muri Kenya. Itangazo rya minisiteri ye rivuga ko azaganira na Perezida Uhuru Kenyatta ku bufatanye bw'ibihugu byombi mu migambi yo kurandura Covid-19 no ku bibazo by'umutekano mu karere, by'umwihariko ibyo muri Etiyopiya, Somaliya na Sudani.

Muri iki gihe, Kenya ni kimwe mu bihugu bihagarariye Afrika mu Nteko y'Umuryango w'Abibumbye ishinzwe umutekano ku isi. Ifite uruhare rwo kugarura amahoro muri biriya bihugu bitatu.

Blinken azava i Nairobi ajye i Abuja, umurwa mukuru wa Nijeriya. Nk'uko itangazo rikomeza ribivuga, azaganira na Perezida Muhammadu Buhari ku bufatanye mu rwego rw'ubuzima, ubuhahirane, na demokarasi.

Mu murwa mukuru wa Senegal, Dakar, aho Blinken azasoreza uruzinduko rwe, azabonana na Perezida Macky Sall, witegura gusimbura mugenzi we we Repubulika ya Demokarasi ya Congo, FĂ©lix Tchisekedi, ku buyobozi bw'inama y'abakuru b'ibihugu b'Umuryango w'Ubumwe bw'Afrika mu mezi abiri ari imbere. Bazavugana uburyo bwo gukomeza gushimangira umubano, usanzwe ari intangarugero, hagati y'ibihugu byombi.

Ni ubwa mbere Blinken azaba agiye muri Afrika yo munsi y'ubutayu bwa Sahara ari minisitiri w'ububanyi n'amahanga wa Leta zunze ubumwe z'Amerika.

Facebook Forum

XS
SM
MD
LG