Uko wahagera

OMS Yemeje Urukingo rwa Mbere rwa Malariya


Uyu ni wo mubu utera indwara ya malariya
Uyu ni wo mubu utera indwara ya malariya

OMS, ishami ry'Umuryango w'Abibumbye ONU ryita ku buzima, iragira inama ibihugu byo munsi y'ubutayu bwa Sahara gukoresha urukingo rushya rwa malariya ku bana bose bakiri bato.

Ni ubwa mbere urukingo rwa malariya rubonetse. Nk'uko OMS yabitangaje, rumaze kugeragezwa ku bana 800000 muri Ghana, Kenya na Malawi kuva mu 2019.

Umuyobozi mukuru wa OMS, Dr Tedros Adhanom Ghebreyesus, yatangaje ko uyu ari umunsi utazibagirana mu mateka. Ati: "Gukoresha uru rukingo bizakumira malariya ku bana bato ibihumbi n'ibihumbi buri mwaka."

Umwana ashobora gutangira kuruhabwa guhera ku mezi atanu nyuma yo kuvuka kandi agomba kuruhabwa inshuro enye zitandukanye.

Malariya ni yo ndwara ya mbere yica abana benshi muri Afrika yo munsi y'ubutayu bwa Sahara. Buri mwaka, ihahitana abana bari munsi y'imyaka itanu y'amavuko barenga 260000.

Facebook Forum

XS
SM
MD
LG