Uko wahagera

USA: Abadepite Ntibakoze Kubera Ubwoba bw'Umutekano Wabo


Abasirikari bakomoka muri reta ya Michigan baje kurinda umutekano w'ingoro y'inteko ishinga amategeko i Washington, DC.

Abapolisi bashinzwe kurinda ingoro inteko ishiga amategeko y'Amerika ikoreramo (Capitol) bafata mu buryo bukomeye amakuru yatanzwe n'inzego z'ubutasi ko hari itsinda ry'abantu bitwara gisirikare bashaka kuyigabaho igitero kuri uyu wa kane.

Batangaje ko bongereye umubare w'abashinzwe kurinda umutekano, ibikoresho ndetse bakanavugurura imikorere mu rwego rwo kurinda abashingamateka, rubanda, n'abapolisi bahakorera. Iyo polisi kandi yatangaje ko ifatanije n'inzego z'ubutegetsi bw'igihugu na leta mu gukumira ibitero ibyo ari byo byose byagabwa kuri iyi nyubako.

Umutwe w'abasirikare bashinzwe kurinda abategetsi b'Amerika uri mu bafatanije n'abapolisi kurinda iyi nyubako. Kuva tariki 6 z'ukwa mbere ubwo iyi nyubako yaterwaga n'abantu bashyigikiye Donald Trump wahoze ayobora Amerika, iyi nyubako igoswe n'uruzitiro rurerure ruhagazweho n'abashinzwe umutekano.

Iyi tariki bivugwa ko ishobora kugabwaho igitero ifitanye isano n'ibyakwirakwizwaga n'abashyigikiye Trump wakomeje kuvuga ko yibwe amajwi mu matora bavuga ko yashoboraga kugaruka ku butegetsi uyu munsi. italiki 4 z'ukwa gatatu, italiki abaperezida b'Amerika barahirizwagaho kugeza mu mwaka wa 1933 ubwo yimurirwaga ku itariki 20 z'ukwa mbere.

Muri iki cyumweu ibiro bishinzwe iperereza FBI n'urwego rushinzwe abinjira n'abasohoka baburiye inzego zishinzwe umutekano ko itsinda ry'abahezanguni ryari ryavuze ku byerekeye gukangurira abantu kujya mu mujyi wa Washington DC, bakagerageza kwigrarurira inteko ishinga amategeko.

Facebook Forum

XS
SM
MD
LG