Ku italiki ya 6 y'ukwezi kwa mbere gushize, Leta zunze ubumwe z'Amerika yarahungabanye kandi ikubitwa n'inkuba itagira amazi kubera igitero cyabaye kuri Capitol yayo, ingoro y'inteko ishinga amategeko, i Washington D.C., umurwa mukuru w'igihugu.
Icyo gihe, imitwe yombi y'inteko yari iteranye irimo ibarura bwa nyuma amajwi yavuye mu matora y'umukuru w'igihugu yo mu kwezi kwa 11 gushize. Nk'uko itegeko nshinga ry'igihugu ryabigennye, visi-perezida wa Repubulika, Mike Pence, ni we wari uyoboye iri barura, hari n'umuyobozi w'Umutwe w'Abadepite, Nancy Pelosi, bombi ari bo nimero ya kabiri n'iya gatatu mu butegetsi bwa Repubulika inyuma y'umukuru w'igihugu.
Igitero cyaguyemo abantu batanu, barimo umupolisi umwe. Abandi bantu amagana bagikomerekeyemo, barimo abapolisi 140. Abandi bapolisi babiri, nabo bari mu bikorwa byo kugikumira, bariyahuye gato nyuma yacyo. Abandi bantu benshi bari muri Capitol, barimo n'abanyamakuru, barahungabanya ku buryo buhoraho.
Abagabye iki gitero rero ni bantu ki? Bari mu bice bibiri: abagize imitwe itandukanye, yose igizwe ahanini n'Abazungu. Irimo iyitwa Proud Boys, The Three Percenters, Nationalist Socialist Club, No White Guilt, QAnon (FBI ishyira ku rutonde rw'imitwe ishobora kuba iy'iterabwoba ry'imbere mu gihugu), Boogaloo, Rise Above Nation, Oath Keepers, n'indi... n'abandi bantu basanzwe.
Twumve umunyamakuru w'Ijwi ry'Amerika Thomas Kamilindi
Facebook Forum