Uko wahagera

Afuganistani: Abantu 15 Baguye mu Gico i Kabul mu Murwa Mukuru


Aho igisasu cyaturikiye i Kabul muri Afuganistani
Aho igisasu cyaturikiye i Kabul muri Afuganistani

Igisasu cyaturikiye ku muhanda i Kabul mu murwa mukuru w'Afuganistani kuri iki cyumweru n'ikindi gitero cyagabwe hakoreshejwe indege byahitanye abantu 15 harimo n'umuvugizi wa guverinoma.

Abategetsi bavuze ko igisasu cyo mu bwoko bwa mine cyaturikanye imodoka yari itwaye Zia Wadan, umuvugizi w'ingabo ukorera muri ministeri y'ubutegetsi bw'igihugu. Cyahitanye kandi bagenzi be babiri undi arakomereka nkuko bigaragara mu itangazo rya leta.

Perezida Ashraf Ghani w'Afuganistani yamaganye icyo gitero yivuye inyuma avuga ko ari icy'iterabwoba. Yategetse ko abakiri inyuma batabwa muri yombi.

Kugeza ubu ntawe urigamba icyo gitero ariko Perezida Ashraf Ghani arashinja umutwe w'abarwanyi b'Abataliban kuba ari bo babikoze.

Mu murwa mukuru w'Afuganistani, Kabul, hamaze iminsi hagaragara impfu z'abakozi ba leta, abanyamakuru bakomeye n'abakozi b'imiryango itegamiye kuri leta. Leta ya Afuganistani n'ingabo z'Amerika bashinja umutwe w'Abalibani kuba inyuma y'ubu bwicanyi ariko Abatalibani barabihakana.

Facebook Forum

XS
SM
MD
LG