Uko wahagera

Abademokrate Bigaruriye Sena y'Amerika


Abademokrate Jon Ossoff na Raphael Warnock mu myiyamamazo yo kwitoreza guserukira reta ya Georgia

Umugambwe w’Abademokrate niwo ugiye kuzogenzura Sena ya Reta zunze ubumwe, inyuma y’aho abademokrate babiri, Jon Ossoff na Rev. Raphael Warnock batsindiye intebe zibiri imigambwe ibiri ikomeye muri Amerika yariko irarwanira muri reta ya Georgia.

Rev. Raphael Warnock yatangajwe ko yatsinze mw’ijoro ryo kuwa gatatu. Abaye umwirabure wa mbere w’umudemokrate atsindiye iyo ntebe muri Georgia.
Warnock, ni umupasitori mu gisagara ca Atlanta, mw’ishengero ryigeze kurongorwa na Martin Luther King Jr, yaharaniye agateka k’abirabure.

Intsinzi y’abo bagabo babiri ihaye abademokrate kwigarurira Sena yari mu minwe y’abarepublikani kandi ni akaryo keza kuri Joe Biden n’abashingamateka bakomoka mu mugambwe wiwe kuzorenganya amategeko yabo bitabagoye cane.

Perezida yatowe Biden yaciye yihuta gukeza abo bagiye kuzoba abasenateri bashasha, Warnock na Ossoff kuri iyo ntsinzi batahukanye.

Mu gihe abarepublikani ari bo bari biganje muri sena, ku ntebe 50 kuri 48, iyi ntsinzi iciye ibagabura ku ntebe 50 kuri 50. Icegera ca perezida catowe, Kamala Harris w’umudemokrate niwe azoza aradadanura akazoshobora kwama ari ku ruhande rw’umugambwe wiwe mu gihe azohitamwo kubikora.

Facebook Forum

XS
SM
MD
LG