Ministeri y'Ubuzima mu Butaliyani iratangaza ko kuri uyu wa gatandatu abantu 261 bapfuye bazize uburwayi bushingiye kuri virusi ya Corona.
Umunsi w'ejo hari hapfuye 459. Mu munsi umwe gusa ubwandu bushya bwiyongereye kuva ku bantu 10,407 kugera kuri 19,037. Kuva iki cyorezo cyaduka abarenga miliyoni ebyiri bamaze kwandura.
Ku wa kane, Ubutaliyani bwabaye igihugu cya kane ku isi kurenza miliyoni ebyiri z'abanduye. Kuva iki cyorezo cyaduka mu kwezi kwa kabiri, Ubutaliyani bumaze gupfusha abantu 70,909.
Ubutaliyani buri ku mwanya wa mbere mu Bulayi w'ibihugu byapfushije abantu benshi, bukaza ku mwanya wa gatanu ku isi.
Ubwandu bwa virusi ya Corona bwongeye gukaza umurego muri icyo gihugu kuva mu kwezi kwa cumi na kumwe habarurwa abantu byibuze 1,000 bajyanwa kwa mu kanga ku munsi naho 100 muri abo bakajyanwa ahavurirwa indembe.
Facebook Forum