Uko wahagera

Amatora muri Amerika 2020

USA: Imyiyamamazo mu Mareta Abakandida Barwanira Gutsinda

Mu gihe hasigaye imisi itandatu ngo itariki 3 z’ukwezi kwa cumi na kumwe z’amatora muri Reta zunze ubumwe za Amerika zishike, umudemokrate Joe Biden ari mu myiyamamazo mu mareta azwi ko atora abarepublikani. Nawe Perezida Donald Trump ariko ashira inguvu mu mareta yatahukanyemwo intsinzi mu 2016, aho ibiharuro vyerekana ko Biden ashobora kuzoyigarurira.

Kuri uyu wa kabiri, Biden yari muri Georgia. Ategekanya kubandaniriza iyi myiyamamazo muri Iowa, Florida, Wisconsin na Michigan mu mpera z’iyi ndwi. Trump yaratsinze muri izo reta mu 2016, ariko abademokrate bizeye ko Biden afise amahirwe yo kuzigarurira muri aya matora ya 2020.

Imyiyamamazo ya Trump iriko iribanda no ku nkehwa cane cane mu mareta atagira aho ahagaze. Nevada niho perezida ategekanya kuja muri iyi ndwi, ahaba ibitigiri bitari bike vy’abamuka muri Amerika y’epfo bavuga iki espanyole.

Perezida Donald Trump mu myiyamamazo i Lititz, muri Pennsylvania, kw'itariki ya 26/10/2020
Perezida Donald Trump mu myiyamamazo i Lititz, muri Pennsylvania, kw'itariki ya 26/10/2020

Amajambo abo bakandida babiri bashikiriza abanyagihugu ashimikiye ahanini ku mugera wa corona umaze guhitana abarenga 225 000 aha muri Amerika. Perezida Trump avuga ko Amerika iriko irahangana n’ico kiza mu nzira nyayo, mu gihe umukeba wiwe Biden ariho ashimikiye mu kuvuga ko kubona abapfa biyongera vyavuye ko Trump yafashe uwo mugera minenerwe.

Haruhande y’itora ry'umukuru w'igihugu, muri aya matora, umugambwe w’abarepublikani ufise ubwoba ko ushobora kuzotakaza sena aho aribo bayigenzura ku ntebe 53 ku basenateri 100.

See all News Updates of the Day

Ibikorwa vya Biden Bigana ku Butegetsi Vyatanguye Icese

Perezida yatowe Joe Biden, i Wilmington, Delaware.

Ibikorwa vy’imfatakibanza vy’uwatowe kuba perezida w’Amerika, Joe Biden bigana ku butegetsi bw’i Washington vyatanguye ukuri kwamye. Ni inyuma y’aho ikigo GSA ca reta y’Amerika gishinzwe ibikorwa rusangi, birimwo abakozi, inyubako n’ibikoresho gitangaje ko asa n’uwatsinze amatora ya perezida yo mu 2020. Ariko Perezida Donald Trump abandanya urugamba rwiwe rwo kurondera ko intsinzi yomuhindukirira.

Umugwi wa Biden w’abahanuzi waciye utangura bidatevye kuwa mbere mw’ijoro gushikira abategetsi batandukanye muri reta ya Trump kugira bamenye ibishobora kubangamira umutekano w’igihugu, hamwe n’ibindi bibazo vyihuta Biden azohura navyo igihe azorahirira amabanga ya perezida mu kwezi kwa mbere itariki 20.

Iyi ngingo y’ikigo GSA yemerera Biden gushikira uburyo bw’amafaranga akeneye mu bikorwa vyiwe vy’imfatakibanza. Yemererwa kandi guhabwa amakuru ajejwe umutekano ndetse n’abategetsi biwe bakabasha guhabwa uburenganzira bwo kuja mu nyubakwa za reta.

Ntibiramenyekana igihe Biden ashobora kubwirwa ubwa mbere mu ncamake ingene umutekano w’igihugu wifashe nka perezida yatowe.

Icihutirwa kandi gihangayikishije Biden ni ukurwana n’iyongerekana ry’umugera wa corona muri Amerika. Abategetsi ba Biden bakeneye amakuru y’ikirangamisi co kwemeza incanco zitatu za COVID-19 mu ndwi ziri imbere. Ikindi bakeneye ni igihe abanyamerika bazotangura gucandarwa imbere y’uko umwaka urangira no kwongereza ico kiringo gushika mu 2021.

Ni mu gihe amatohoza amaze gukorwa yerekana ko abanyamerika 4 kw’icumi bafise amakenga yo gucandarwa canke bahisemwo kutazokwicandagisha. Ibi bishobora kuzogorana kurwanya uwo mugera.

Ikigo GSA Cemeye ko Biden Asa n'Uwatsinze Ciyemeza no Kumufasha

Perezida Yatowe Joe Biden mu nama n'abakuru b'ibisagara i Wilmington, Delaware, kw'italiki ya 11/23/2020.

Ikigo GSA ca reta y’Amerika gishinzwe ibikorwa rusangi, birimwo abakozi, inyubako n’ibikoresho cavuze ko uwatowe kuba perezida, Joe Biden asa n’uwatsinze amatora. Perezida Donald Trump, yari yarahakanye kwemera ko yatsinzwe amatora, yavuze kuri uyu wa mbere ko yategetse umugwi wiwe gufasha mu kiringo kigana kw’ihererekanya ry’ubutegetsi ariko yasubiye kuvuga ko abandanya urugamba.

Iyi ngingo ivuga ko reta ya Trump ica itangura gufasha no kwemerera Biden gutangura no gukorana n’ibigo vya reta ibikorwa bigana ku guhererekanya ubutegetsi bitegekanijwe mu kwezi kwa mbere itariki ya 20. Umwe mu bategetsi yavuze ko umutegetsi arongoye ikigo GSA, Emily Murphy yafashe iyo ngingo inyuma y’aho utwigoro Trump yarimwo two kuraba ko ibiharuro vyomuhindukirira bimutwaye kuwamazi, inyuma y’aho amareta yarimwo aburanamwo atariko arayaronkamwo umusaruro.

Uwatorewe kuba perezida w’Amerika, Joe Biden, ategekanya kandi kugena abandi bategetsi 2 bamenyereye ivyerekeye imigenderanire. Abo ni Jake Sullivan na Linda Thomas-Greeenfield. Sullivan ategekanywa kuba umuhanuzi mu vyerekeye umutekano w’igihugu mu gihe Greenfield ategekanywa kuba ambasaderi wa Amerika mw’ishirahamwe mpuzamakungu ONU.

Bitegekanijwe ko Biden agena abazogira reta yiwe 3 kuri uyu wa gatatu.

Biden Ategekanya Kugena Aba Mbere muri Reta Yiwe kuwa Kabiri

Perezida yatowe Joe Biden ariko ashikiriza ijambo mu gisagara abamwo ca Wilmington, Delaware, kw'italiki ya 19/11/2020.

Uwatowe kuba perezida muri Reta zunze ubumwe za Amerika, Joe Biden, ategekanya kugena aba mbere mubazoba muri reta yiwe kuwa kabiri. Vyashikirijwe n’umwe mu bafasha biwe kuri uyu w’Imana, mu gihe Perezida Donald Trump yasavye abarepublikani kumushigikira mu rugamba arimwo mu butungane aho arondera ko ibiharuro vyavuye mu matora vyohindukirira ku ruhande rwiwe akabandanya atwara.

Ron Klain, uwuzobera Biden umuyobozi w’akazi muri White House, yanse kugaragaza ibigo n’abategetsi bazogenwa kubitwara. Ariko perezida yatowe yavuze mu ndwi iheze ko yamaze guhitamwo umushikiranganji w’ikigega kandi yizera ko aserukira abademokrate bose.

Mu gihe Biden ari mu myiteguro yo kuba umuperezida agira 46 wa Amerika, Trump yaranse kwemera ko yatsinzwe. Kuri uyu w’Imana, uwo mutegetsi yabwiye abayoboke biwe yifashishije urubuga Twitter ko “hazoboneka amajwi menshi cane yibwe”, asaba abarepublikwongereza inguvu mu rugamba.

Ariko urugamba rwiwe mu butungane nta vyamwa ruratanga gushika ubu. Imanza zishika 34 yarazitsinzwe canke arazisokoramwo cane cane mu mareta barwaniramwo amajwi menshi, ayo Biden asa n’uwayatsinze.

Kuva Trump yitwara, nta reta n’imwe ariko araburanamwo arabasha guhinduramwo ibiharuro mu majwi, bituma Biden akiza imbere ku majwi 306 kuri 232 y’intumwa z’abanyagihugu. Niyo majwi arabwa kugira hagaragare uwuba Perezida, atari amajwi rusangi, naho n’aho nyene Biden arusha Trump amajwi arenga imiliyoni 6.

COVID-19: Joe Biden Yizeza Abanyamerika ko Atazobagumiza mu Rugo

Perezida Yatowe Joe Biden i Wilmington, Delaware, Kw'italiki ya 19/19/2020.

Joe Biden yatowe kuba perezida muri Reta zunze ubumwe za Amerika yavuze kuri uyu wa kane ko atazotegeka guhagarika imirimo yose mu gihugu mu ntumbero yo kurwanya ikwirakwira rya Covid-19 naho abandura barushiriza kwiyongera.

Amareta n’ibisagara bitari bike biza vyaramaze gufata izo ngingo, zirimwo Guma mu Rugo, kubuza abarira mu mazu y’uburiro, no kugabanya ibitigiri vy’abemerewe gukoranira hamwe.

Biden yabwiye itangazamakuru ko ataco abona cotuma ahagarika igihugu cose, kuko ata mwimbu vyotanga. Ariko yavuze ko amategeko y’ibihe n’ingene ibikorwa vyo kwugururwa bizofatwa hisunzwe ibice bibangamiwe kuruta ibindi mu gihugu.

Amerika igeze ku bantu barenga 251 000 bamaze kwicwa n’uwo mugera hamwe n’abarenga imiliyoni 11 n’ibihumbi 600 bamaze kwandura nkuko kaminuza Johns Hopkins yo muri Amerika.

Iyongerekana ry’abandura muri Amerika ryatumye ikigo c’Amerika kijejwe gukinga indwara zandukira, CDC, kigabisha abanyamerika bagiye gufata ingendo zo guhimbaza umusi mukuru w’umuganuro wa Thanksgiving.

COVID-19: Abanyamerika Baragabishwa mu Bihe vya Thanksgiving

Inkoko zo mu bwoko bwa Dindot ziribwa ku musi wa Thanksgiving.

Mu gihe ibitigiri vy’abandura COVID-19 birushiriza kwiyongera muri Reta zunze ubumwe za Amerika, ikigo kijejwe gukinga ndwara zandukira, CDC, kiragabisha abanyamerika muri iyi misi mikuru ihereza umwaka yimirije. Iyo misi mikuru irimwo umunsi w’umuganuro, Thanksgiving uzohimbazwa kw’italiki 26 z’ukwezi kwa cumi na kumwe.

Kuri uyo munsi bimenyerewe ko imiryango n’abagenzi bahura bagasangira ibinyobwa n’imfungurwa.

Dr. Henry Walke, ajejwe gukurikiranira hafi ikiza ca COVID-19 mu kigo CDC yavuze ko iki gihe abanyamerika basabwa kwubahiriza ingingo zo kurwanya ikwirakwira ry’uwo mugera.

CDC ihanura abantu guhimbaza uwo musi mukuru n’abo babana mu nzu gusa mu gihe bahisemwo kuwuhimbariza mu rugo.

Thanksgiving ni umwe mu misi abanyamerika bafata ingendo mu gihugu hagati. CDC isaba abafata izo ngenzo kuzifata biyubara ntibandure canke banduze abandi.

Voma ibindi

XS
SM
MD
LG