Ingabo z'ibihugu by'Armeniya n'Azeribayijani bamaze iminsi ibiri barwana bapfa intara yitwa Nagorny-Karabakh.
Leta y'Azerbaijani ivuga ko ari abasirikare b'Armeniya babanje kurasa n'ibitwaro biremereye bwa mbere ejo ku cyumweru. Armeniya nayo ivuga ko ari Azeribayijani yabanje kurasa, kandi ko yakomeje kurwana ijoro ryose n'uyu munsi. Azeribayijani n'Armeniya biri mu gice cy'isi cyitwa Eurasia, ku mupaka w'uburasirazuba bw'umugabane w'Ubukayi n'uw'uburengerazuba bw'Aziya.
Azeribayijani yatangaje ko imaze kwica no gukomeretsa abasirikare b'Armeniya. Armenia irabihakana, ahubwo ikemeza ko yo yishe abasirikari 200 b'Azeribayijani. Naho abayobozi ba Nagorny-Karabakh bavuga ko abasirikare babo 59 bamaze kugwa mu mirwano.
Intara ya Nagorny-Karabakh yarwaniye kwigenga kuva mu 1988 kugera mu 1994. Iyi ntambara yahitanye abantu barenga ibihumbi 30. Amasezerano yo kuyihagarika ahora ajegajega. Buri gihugu kiba gishaka kwigarurira Nagorny-Karabakh, nayo igahora irwanira ubusugire bwayo.
Facebook Forum