Uko wahagera

Abantu Bishwe na Covid-19 Bamaze Kurenga Miliyoni Ku Isi


Leta zunze ubumwe z'Amerika ni yo iri ku isonga n'abantu hafi 205,000 bamaze kwicwa na virusi ya Corona

Umubare w'abantu bamaze guhitanwa na virusi ya corona umaze kurenga miliyoni ku isi yose

Kuri OMS, ishami ry'Umuryango w'Abibumbye ryita ku buzima, ni "ishyano" mu mahano. OMS irateganya ko uyu mubare ushobora kwikuba kabiri "niba amahanga adashyize ingufu mu bikorwa byo kurwanya iyo virusi."

Leta zunze ubumwe z'Amerika ni yo iri ku isonga n'abantu hafi 205,000 bamaze kwicwa na virusi ya Corona. Ikurikirwa na Bresil imaze gupfusha abantu bagera ku 142,000. Naho ighugu cy'Ubuhinde kiraza ku mwanya wa gatatu n'abantu hafi 96,000 bamaze gupfa.

Virusi ya corona yanduje abantu barenga miliyoni 33 muri aya mezi icyenda imaze iyogoza isi yose. Ku mugabane w'Ubulayi, mu Burasirazuba bwo hagati, no muri Aziya, imibare y'abandura irimo irongera kuzamuka cyane ku buryo buteye impungenge.

Mu bihugu byinshi, abaturage ntibishimiye ingamba leta zifata zo gukumira icyorezo, zirimo guma mu rugo, gufunga ubunywero n'uburiro, no kubuza amakoraniro y'abantu benshi.

Ku birebana n'inkingo, eshatu zo muri Amerika n'Ubulayi n'ebyri zo mu Bushinwa zirimo kugeragezwa ku rwego rwa gatatu rubanziriza urwa nyuma mbere yo kwemezwa burundu. Naho urundi rumwe rwo mu Burusiya rwo rwatanze icyizere gishimishije mu magerageza yose.

Ariko kugeza ubu, abahanga bemeza ko nta rukingo rwa virusi ya corona ruzatangira gukora muri uyu mwaka.

Facebook Forum

XS
SM
MD
LG