Abantu bashika kuri 17 bapfuye abandi 21 barakomereka muri Afuganistani igihe bombe yatezwe mu modokari yaturika mu gisagara ca Puli Alam, mu ntara ya Logar kuri uyu wa kane. Ni mu gihe abanyagihugu isinzi bariko barasuma ivyo bazokoresha ku munsi mukuru w’abayisilamu wa Eid al-Adha.
Umushikiranganji w’intwaro mu gihugu hagati yemeje ico gitero cabaye imbere y’iminsi itatu y’agahengwe ku guhagarika imirwano reta n’Abatalibani bihaye mu ntumbero yo kwubahiriza umunsi mukuru gatangura kuri uyu wa gatanu.
Umuvugizi w’Abatalibani, Zabihullah Mujahid yavuze ko ico gitero kitabaraba.
Facebook Forum