Muri Etiyopiya, uko amakuru agenda amenyekana kurushaho ni ko imibare y'abagwa mu myigaragambyo nayo igenda yiyongera.
Ibigo ntaramakuru bitandukanye, nka Reuters yo mu Bwongereza na AFP yo mu Bufaransa, bivuga ko abamenyekanye ko bapfuye kugera ejo kuwa gatatu bari 81. Barimo abapolisi batatu. Abandi bose ni abasivili.
Ariko ntibarimo abandi bantu bishwe mu gihe kimwe ku buryo butandukanye n'imyigaragambyo, nko kubera ibisasu bitatu byatukiye i Addis-Abeba, umurwa mukuru wa Etiyopiya kuwa kabili.
Imyigaragambyo yatewe n'iyicwa, arashwe, ry'umuririmbyi w'icyamamare muri Etiyopiya witwa Haacaaluu Hundeessaa wo mu bwoko bwa Oromo, bwiganje muri Etiyopiya, mu ijoro ryo kuwa mbere.
Facebook Forum