Umukuru w’igihugu c’Uburundi Evariste Ndayishimiye yakiriye kuri uyu wa gatatu inyuma y’umutaga intumwa idasanzwe ya Perezida wa Reta zunze Ubumwe za Amerika, Ambasaderi J. Peter Pham. Uyu asanzwe ari intumwa idasanzwe ya Amerika mu karere k’ibiyaga binini.
Icegera c’umuvugizi wa Perezida Ndayishimiye yabwiye itangazamakuru ko uwo mutegetsi wa Amerika yarazanye ubutumwa bwa Perezida Donald Trump bwo kumukeza mu mabanga aheruka kuronka yo kurongora igihugu.
Baganiriye kandi ibibazo vyerekeye Abarundi baheruka kwirukanwa na Amerika Uburundi bukanka kubakira, ibihano Uburundi canke abategetsi bamwe bamwe bafatiwe na Amerika n’Ubumwe bwa Bulaya hamwe rero n’ikibazo co kunagura imigenderanire hagati y’ivyo bihugu bibiri.
Umumenyeshamakuru w'Ijwi ry'Amerika, Pierre Claver Niyonkuru uri i Kigali mu Rwanda,ni yo nkuru atugezaho.
Facebook Forum