Uko wahagera

USA: Abanduye Covid-19 Biyongeye Cyane mu Mezi Abiri Ashize


Abantu banduye virusi ya Corona bariyongereye cyane muri Leta zunze ubumwe z'Amerika muri aya mezi abiri ashize.

Kaminuza Johns Hopkins, yazobereye mu by'indwara zandura, yabaruye ejo kuwa kabiri abantu banduye ibihumbi 34 na 700. Isobanura ko yaherukaga kubona imibare minini nk'iyi ku itariki ya 9 n'iya 24 z'ukwezi kwa kane gushize. Bwo bari ibihumbi 36 na 400.

Muri rusange, ahantu virusi ya Corona yabanje kugira isibaniro kurusha ahandi, n'umujyi wa New York n'uwa New Jersey, mu burasirazuba bw'igihugu, harimo harasimburwa n'ibice by'amajyepfo n'uburengerezuba bwa Leta zunze ubumwe z'Amerika, nka leta za Arizona, California, Mississippi, Nevada na Texas.

Muri rusange, Leta zunze ubumwe z'Amerika iri ku isonga. Nk'uko kaminuza Johns Hopkins ibigaragaza, abarwaye baragera muri miliyoni ebyiri n'ibihumbi 400. Abo imaze guhitana bararenga ibihumbi 123.

Naho ku isi yose, abanduye virusi ya Corona bararenga miliyoni icyenda n'ibihumbi 300. Abantu imaze kwica ku isi yose bo ni ibihumbi 478. Kandi ni ko imibare igenda yiyongera.

Facebook Forum

XS
SM
MD
LG