Uko wahagera

CPI: Laurent Gbagbo Yasubijwe mu Rukiko rw'Ubujurire


Laurent Gbagbo ari yabaye umwere mu kwezi kwa mbere umwaka ushize wa 2019.

Umushinjacyaha wa CPI, Urukiko mpuzamahanga mpanabyaha, yatangiye gusobanura imbere y'abacamanza impamvu abasaba kwakira ubujurire bwe mu rubanza rwa Laurent Gbagbo, wahoze ari umukuru w'igihugu cya Côte d'Ivoire.

Laurent Gbagbo, w'imyaka 75 y'amavuko, yabaye umwere mu kwezi kwa mbere mu mwaka ushize ku byaha byibasiye inyokomuntu yaregwaga, byabaye mu ntambara yo mu 2010 n'2011 yakurikiye amatora y'umukuru w'igihugu, Laurent Gbagbo yanze kwemera ko yayatsinzwe. Iyi ntambara yahitanye abantu ibihumbi bitatu, nk'uko Umuryango w'Abibumbye ubivuga.

Abacamanza bo ku rwego rwa mbere basanze umushinjacyaha atarabazaniye ibimenyetso simusiga. Bityo Gbagbo yahise arekurwa by'agateganyo, nyuma y'imyaka irindwi yari amaze afunze by'agateganyo. Ubu aba mu Bubiligi mu muryango w'abana be.

Umushinjacyaga mukuru, Fatou Bensouda, yarajuriye mu kwezi kwa cyenda 2019. Uyu munsi, abamwungirije batangiye gusobanura impamvu y'ubujurire. Basobanuye ko abacamanza ba mbere bakoze "amakosa aremereye cyane" yatumye bamurekura. Bemeza ko hari byinshi birengagije mu rwego rw'amategeko kandi ko birengagije ibimenyetso bimwe na bimwe by'ubushinjacyaha.

Iri buranisha rizageza kuwa gatatu. Nyuma, abacamanza bazasuzuma niba urubanza nyakuri rw'ubujurire ari ngombwa. Nibavuga ko rudakenewe, Laurent Gbagbo azaba abaye umwere burundu.

Facebook Forum

XS
SM
MD
LG