Uko wahagera

Umuyaga Wahitanye Abantu 84 n'Ibintu mu Buhinde na Bangladesh


Amazu yatwawe n'imyuzure bitewe n'umuyaga Amphan muri Bangladesh

Abahanga mu by'teganyagihe bavuga ko Amphan ari yo ya mbere ikaze cyane mu kigobe cya Bengale kuva mu 1999. Umuyaga wari ufite umuvuduko wa kilometero 185 mu isaha. Imvura yawo yateje imyuzure igera kuri metero eshatu.

Imidugudu amagana n'ibihingwa amahegitari n'amahegitari byarengewe n'amazi. Ibiti byarandaguritse. Imihanda yasidutse. Abantu amamiliyoni ubu nta mashanyarazi bafite.

Kugeza ubu, imibare y'abantu yahitanye ni 84. Ariko guverinoma z'ibihugu byombi zivuga ko zishakisha abazimiye, ku buryo biteze ko umubare w'abapfuye ushobora kwiyongera. Mbere y'uko Amphan igera mu baturage, leta zombi zahungishije abarenga miliyoni eshatu.

Umuyobozi wa leta ya Bengale y'uburengerazuba mu Buhinde, umutegarugoli Mamata Barnerjee, yabwiye itangazamakuru, ati: "Sindabona ishyano nkiri mu buzima bwanjye."

Facebook Forum

XS
SM
MD
LG