Leta zunze Ubumwe z'Amerika niyo ifite umubare munini muri abo banduye kw’isi. Ibindi bihugu byinshi bivuga ko umubare w’abanduye ugenda ugabanuka.
Ikigo Johns Hopkins gikurikirira hafi ibya virusi ya corona, kivuga ko abantu 735 000 banduye kandi ko hapfuye abagera ku 40 000 muri Leta zunze ubumwe z’Amerika kuva aho iyo virusi yadukiye mu Bushinwa mu mwaka ushize.
Ubushinwa kuri uyu munsi w’icyumweru bwatangaje abantu 16 bashya banduye.
Koreya y’epfo, mu ntangiriro z’uyu mwaka yari ifite umuntu umwe kuva icyo cyorezo cyadutse mu Bushinwa, yatangaje abandi bantu bashya 8 banduye bonyine. Ni ubwa mbere icyo gihugu gitangaje abanduye bashya mu kwezi kumwe.
Ishami ry’umuryango w’abibumbye ryita ku buzima, OMS, uyu munsi ryavuze ko nta kimenyetso cyerekana ko umuntu wakize COVID-19 bimubera urukingo.
Ibigo bya Koreya bishinzwe gucunga indwara no kuzikumira, bitangaza ko abantu 163 bongeye kwandura virusi ya corona.
Komisiyo ya ONU ishinzwe ubukungu yavuze ko iki cyorezo gishobora kuzatwara ubuzima bw’abantu 300 000 muri Afurika. Cyakora OMS igereranya ko hari imashini zifasha umurwayi wa COVID-19 zitageze ku bihumbi bibiri kuri miliyoni amagana mu bihugu 41 by’Afurika. Ibyo byateje impungenge ko ibura ry’izo mashini hamwe n’ibindi bikoresho byo mu buvuzi, bishobora kuzatuma amazi arenga inkombe.
Facebook Forum