Uko wahagera

Virusi ya Corona Imaze Guhitana Abarenga 1800 kw'isi


Kirinda virusi ya corona ni byo bishyirwa imbere muri iki gihe.

Abayobozi bo mu nzego z’Ubuzima kw’isi kuri uyu wa kabiri batangaje ko abantu bamaze kwandura Virusi ya Corona mu Bushinwa, barenga ibihumbi 72, naho abo imaze guhitana barenga 1900. Televiziyo y’igihugu yatangaje ko umwe mu bapfuye ari Liu Zhiming wari umuyobozi w’Ibitaro bya Wuchang biri mu mujyi wa Wuhan, bivugwa ko ari nayo ndiri y’iyi virusi.

Umuyobozi w’Ishami ry’Umuryango w’Abibumbye ryita ku buzima OMS, Tedros Adhanom Ghebreyesus, ejo kuwa mbere yamvikanye avuga ko n’ubwo imibare y’abanduye Virusi ya Corona yagabanutse, hakwiye gufatwa ingamba zikomeye. Ubuyobozi bwa OMS bwatangaje kandi ko abantu 764 bava mu bindi bihugu bitari Ubushinwa banduye iyi Virusi, abagera kuri 542 muri bo ni abari mu bwato “Diamond Princess” bwajyaga mu mujyi wa Yokohama mu Buyapani.

Leta y’Amerika, ejo ku wa mbere yavuze ko yakuye abaturage bayo 300 mu gihugu cy’Ubushinwa. Muri bo 14 basanzwe bafite iyo Virus ya Corana ariko nta bimenyesho byayo bafite. Bemerewe kuza mu ndege hamwe n’abandi bagenzi ariko bashyirwa ahantu habo ku buryo badahura n’abandi. Abavanywe mu Bushinwa bose ubu bari ahantu hitaruye bazahamara iminsi 14.

Facebook Forum

XS
SM
MD
LG