Uko wahagera

Rwanda: Ministiri Gashumba Yeguye Aregwa Imiyoborere Idakwiye


Diane Gashumba weguye ku mwanya wa ministiri w'ubuzima

Dogiteri Diane Gashumba, wari ministiri w’ubuzima mu Rwanda, yeguye kuri iyo mirimo. Abaye umuministiri wa gatatu weguye muri guverinoma mu minsi itarenze icyumweru.

Amakuru y’iyegura rya ministiri Gashumba ryatangajwe n’ibiro bya ministiri w’intebe binyujijwe ku rubuga rwa Twitter.

Iryo tangazo rigira riti “Uyu munsi, Nyakubahwa Minisitiri w'Intebe Dr. Ngirente Edouard yakiriye ukwegura kwa Minisitiri w'Ubuzima Dr. Diane Gashumba. Uku kwegura kuje gukurikira amakosa akomeye n'imiyoborere idakwiye yakomeje kugaragaza.”

Ku itariri ya 6 uku kwezi abandi bayobozi muri guverinoma ari bo Evode Uwizeyimana wari umunyamabanga wa leta muri minisiteri y’ubutabera na Isaac Munyakazi wo muri Minisiteri y’Uburezi, beguye mu mirimo yabo.

Uko ari batatu binjiye muri guverinoma mu mwaka wa 2016.

Facebook Forum

XS
SM
MD
LG