Uko wahagera

OMS Igomba Kwemeza Niba Ebola Ikiri Icyorezo Cyihutirwa


Umuyobozi mukuru wa OMS Tedros Ghebreyesus ari mu nama i Geneve mu Busuwisi

Uyu munsi, abahanga ba OMS, ishami ry’Umuryango w’Abibumbye ryita ku buzima, bateraniye i Geneve mu Busuwisi. Bagomba kwemeza niba Ebola muri Repubulika ya demokarasi ya Congo ikiri ikibazo cyihutirwa ku rwego rw’isi.

Mu kwezi kwa karindwi mu mwaka ushize, OMS yatangaje ko Ebola ari icyorezo cyugarije isi yose kigomba kwitabwago ku rwego rwa mbere. Bityo OMS yagize ububasha budasanzwe, nko gushaka amafaranga no kugamabya ingendo za rubanda ku isi yose. Ebola yateye muri Repubulika ya demokarasi ya Congo mu kwezi kwa munani 2018. Yahitanye abantu ibihumbi bibiri na 300.

Mbere y’inama y’uyu munsi i Geneve, umuyobozi mukuru wa OMS, Tedros Ghebreyesus, yatangaje ko Ebola yagabanutse ku buryo bushimishije. Ati: “Mu cyumweru gishize, abantu batatu bonyine ni bo bayanduye. Muri iyi minsi itatu ishize, nta muntu n’umwe yafashe.” Kuri we, ni “intsinzi ikomeye ariko ntakwirara kuko umuntu umwe wanduye ashobora gutuma na none icyirezo kigaruka.” Dr. Tedros Ghebreyesus yavuze ko azajya muri Repubulika demokarasi ejo kuwa kane kuganira na Perezida Félix Tshisekedi.

Naho aba bahanga mpuzamahanga bari mu nama i Geneve bagize itsinda riterana buri mezi atatu iyo hari icyorezo giteye aho ari hose ku isi.

Facebook Forum

XS
SM
MD
LG