Umugera Corona Umaze Kwica 132 mu Bushinwa

Igitigiri c’abamaze kwandura umugera Corona mu Bushinwa cashitse ku 5974 kuri uyu wa gatatu, barenze abafashwe n’umugera nk’uwo wiswe SARS wateye ico gihugu nyene mu myaka y’2002 n’2003.

Komisiyo y’igihugu y’amagara y’abantu mu Bushinwa yashikirije ko abashika 1400 bashasha babonetse kuri uyu wa gatatu, mu gihe abamaze gupfa bageze ku 132.

Ubuyapani na Reta zunze ubumwe z’Amerika kuri uyu wa kabiri bakuye abanyagihugu babo mu gisagara ca Wuhan, ahatanguriye uwo mugera.