Uko wahagera

ONU Yemeje ko Igitero cyo muri Abyei Cyahitanye 15


abyei

Ubuyobozi bw’akarere ka Abyei buravuga ko igitero cyagabwe mu gace gaherereye ku mupaka uhuza Sudani na Sudani y’epfo cyahitanye abantu 15. Aya makuru yashimangiwe kandi na Daniel Adekera, umuvugizi w’ingabo z’umuryango w’abibumbye muri aka gace ka Abyei. Yongeyeho ko icyi gitero gikurikiwe n’igiheruka mu gace ka Kolom kari mu birometero 12 uvuye Abyei.

Uyu muvugizi yabwiye Radiyo Ijwi ry’Amerika ko imibare y’abapfuye yemejwe n’igisirikare cya Leta ari 15, harimo abana 3 babuze, naho 25 bagakomereka, hagatwikwa n’amazu 19. Yasobanuye ko ibimenyetso byererekana ko abateye baturuka mu bwoko bw’Abamisseriya, kuko mu minsi itatu gusa ishize abantu babo batatu biciwe mu gikorwa nk’icyi kandi kibera ahantu hamwe.

Umuyobozi wa Abyei, Kuol Alor Kuol, yavuze ko umutwe witwaza intwaro w’abamisseriya wagabye igitero kuri Kolom ku wa gatatu cyigahitana abantu 32, harimo abana 9 n’inkomere 24. Yongeyeho ko aba bose bapfuye bashyinguwe mu mva imwe ya rusange.

Umuvugizi w’ingabo za ONU yavuze ko ibi bitero byatunguranye kuko abo mu bwoko bw’Abamisseriya na Dinka bari baherutse kugirana ibiganiro by’amahoro

Facebook Forum

XS
SM
MD
LG